ZURE WEBGUNEA, PUNTU ZIBERSEGURUA
ZURE DOMEINUA ZAINTZEN DUGU PROZESU ETA TRESNA AURRERATUENEKIN
Zurekin egongo gara beti
MONITORIZATZEN DUGU
PUNTUEUSen zeregin garrantzitsuenetako bat .EUS komunitate osoaren segurtasun digitala zaintzea da, webgune guztiak egunero monitorizatuz.
DETEKTATU EGITEN DUGU
Horri esker, jarduera maltzurrak eta zibererasoak detekta daitezke, arriskuak eta mehatxuak saihesteko. Webguneen erabilera desegokia goiz atzematea eta arriskuen eta mehatxuen prebentzioa funtsezkoak dira erantzun eraginkorra emateko.
BIDERATZEN DUGU
Konprometitutako webgune bat detektatzen dugunean, zurekin harremanetan jarriko gara konpontzen laguntzeko. Fede txarrez bada, hala badagokio, domeinua blokeatu egingo dugu, erasorik gerta ez dadin.
Zure segurtasuna bermatzeko tresnak
ABUSE MONITORING
Zibersegurtasuneko tresnak erabiliz, .EUS domeinu-basea egunero aztertzen dugu, webguneetako zibereraso edo jarduera maltzurrak (phishing, malware, spam, etab.) identifikatu eta konpontzeko.
DOMAIN TRUST
Phishing-saiakeretan, malware-banaketan eta komando- eta kontrol-jardueretan erabil daitezkeen domeinu maltzur eta kriminalei buruzko datu-multzo handiak eta kalitate handikoak eskaintzen dituen plataforma adimenduna.
DNSSEC
Segurtasun-geruza gehigarri bat eransten die domeinu-izen baten DNS zerbitzariei. Horri esker, .EUS domeinuek jarduera kaltegarri ugari saihets ditzakete.
SSL
.EUS domeinu guztiek Izenperen SSL ziurtagiria dute doan. Ca/browser-en parte den izaera publikoko ziurtapen-agintaritza bakarra, mundu osoan aintzatetsia.
IKUSI NOLA BABESTEN DUGUN ZURE DOMEINUA
- Segurtasun
digitala - Segurtasun
digitala - Segurtasun
digitala - Segurtasun
digitala - Segurtasun
digitala
PUNTU KRITIKOETAN LAGUNDUKO DIZUGU
Laguntza teknikoa eskura: hurbiltasuna eta laguntza domeinuarekin edozein zalantza argitzeko. Ate guztiak irekita dituzu horretarako: telefonoz, postaz, txat bidez edo, zuzenean, bilera bat eginez.
ZURE MARKA BABESTUKO DUGU
Edozein markarentzat funtsezkoa da online identitatea gordetzea eta hirugarrenen usurpazioa saihestea. Horregatik, PUNTUEUSen zure marka zaintzen dugu, marka ez dadin urratu. Horretarako, modu proaktiboan lan egiten dugu, marka erregistratuen babes-zerbitzuak ezarriz. Hala ere, eraso bat gertatzen bada, protokolo erreaktiboak ere baditugu egoera normaltasunera itzultzeko. PUNTUEUSera jo dezakezu zure marka hirugarren batek erabili badu. Lehenbailehen egitea gomendatzen dizugu.
ZURE LASAITASUNA, GURE KONPROMISOA
Zure segurtasun digitala bermatzea PUNTUEUSen zeregin nagusia. Horretarako, etengabe monitorizatzen ditugu .EUS webgune guztiak. Horri esker, webguneen erabilera txarrak identifikatueta zuzendu daitezke, baita arriskuei eta mehatxuei aurre hartu ere. Hiru tresna nagusi erabiltzen ditugu DNS-abusua egunero monitorizatzeko, gure komunitateari zibersegurtasun-arazoak konpontzen laguntzeko eta ICANN Registry Agreement Specification 11.3B betetze-txostenen erregistroa sortzeko: IQ ABUSE MANAGER, BITSIGHT SECURITY RATINGS eta DOMAIN TRUST
ALIANTZA ESTRATEGIKOAK
Hitzarmenak ditugu Eusko Jaurlaritzako zibersegurtasuneko erakunde ofizialekin: BCSC eta IZENPE. BCSCk, Zibersegurtasunerako Euskal Zentroak eta PUNTUEUSek akordio dute .EUS domeinu-izenak babesteko estrategiak elkarrekin garatzeko. .EUS domeinuek doan eska diezaiokete SSL ziurtagiri bat Izenperi, Eusko Jaurlaritzaren ziurtagiri digital ofiziala eta CA/Browser-en munduko ziurtagiri publikoko agintaritza bakarra.
Zibersegurtasuneko aliantza estrategikoak
